Ditën e sotme Shefat e Misioneve të Bashkimit Europian kanë zhvilluar një takim ku ka qenë e pranishme edhe shefja e OSBE-ODIHR, Audrey Glover për vëzhgimin e zgjedhjeve lokale të 14 majit.
Ambasadorja e BE-së në Shqipëri, Christiane Hohmann tha se zhvillimi i zgjedhjeve në përputhje me standartet ndërkombëtare është i një rëndësie të madhe.
“Kënaqësi të kishim në takimin e sotëm të Shefave të Misioneve të BE-së, Ambasadoren Audrey Glover, Shefen e Misionit të Vëzhgimit të Zgjedhjeve të OSBE/ODIHR-it për zgjedhjet lokale të 14 majit. Teksa Shqipëria përparon drejt anëtarësimit në BE, zhvillimi i duhur i zgjedhjeve, në përputhje me standardet ndërkombëtare, është i një rëndësie të madhe,” Ambasadorja e BE-së Christiane Hohmann.
Audrey Glover ndodhet në Shqipëri që prej datës 6 prill ku është takuar me përfaqësuesit kryesorë të forcave politike të cilëve u ka bërë thirrje që të angazhohen për të garantuar zgjedhje të standarteve të larta ndërkombëtare.
