Ish-zëvendëspresidenti amerikan Joe Biden mesa duket ka vendosur të kandidojë për zgjedhjet presidenciale të vitit 2020. Sipas “Wall Street Journal”, Biden i ka thënë një pjese të ngushtë të stafit të tij se do të sfidojë Donald Trumpin.
“Wall Street Journal” shkruan se Joe Biden nuk e ka fshehur kurrë dëshirën për të kandiduar për presidencën amerikane, por frika e tij e vetme është se nuk do të arrijë dot të mbledhë miliona dollarë financime.
Gjatë një takimi elektoral fundjavën e shkuar, Biden “gabimisht” la të kuptohej se do të kandidonte, por më pas e korrigjoi fjalën e tij. Demokrati Joe Biden ka qenë zëvendëspresident gjatë mandatit të Barack Obamas dhe konsiderohet si një ndër ekspertët më të mirë të politikës së jashtme. Ai është 75 vjeç, katolik dhe ka mbajtur postin e Kryetarit të Komisionit të Marrëdhënieve Ndërkombëtare në Senatin Amerikan./Opinion.al
