Ylli i Hollivudit, Arnold Schwarzenegger, është i sigurt që Donald Trump nuk do të futet më në Shtëpinë e Bardhë, edhe nëse, siç duket, ai do të jetë oferta e republikanëve në zgjedhjet e nëntorit 2024.
Schwarzenegger tha në një intervistë për CNN, se republikanët nuk mund të shkojnë drejt dështimit, për t’ua bërë më të lehtë fitoren demokratëve.
Pjesë nga intervista
Arnold Schwarzenegger: Të jesh pretendent kryesor i një partie dhe t’i lësh ata të gërmojnë këtë gropë thellë e më thellë, do ta bëjë më të lehtë fitoren për demokratët. Është e trishtueshme të shohësh që ata nuk mund të dilnin me një talent të ri, me një fytyrë të re që është një njeri i pranueshëm, i shkathët, i zgjuar dhe që mund ta drejtojë këtë vend në një mënyrë republikane”, tha aktori.
Dana Bash: Mendoni se nuk ka shanse që ai të fitojë sërish?
Arnold Schwarzenegger: Jo.
Aktori pranoi se Trump edhe mund ta marrë kandidimin nga republikanët.
Arnold Schwarzenegger: “Më pas, kur të vijë puna te zgjedhjet e vërteta, shumë njerëz tashmë e kanë parë çfarë ka bërë ai si president dhe mendoj se shumica në ditën e zgjedhjeve, mendoj se do të shohin ndryshimin mes njërit apo tjetrit dhe më besoni, nuk jam i pari që e them, që është vërtet shumë mirë që Biden të jetë sërish president. Jo, por më besoni që nuk ka asnjë alternativë më të mirë kështu si duken gjërat tani”, tha Schwarzenegger.
