Kandidati demokrat për president, Bernie Sanders i jep një tjetër goditje të fortë kundërshtares së tij Hilary Clinton në garën brenda demokratëve për zgjedhjet presidenciale.
Të dhënat e para të cituara nga Associated Press flasin për një fitore të tij në shifrat 56% me 44% përballë Clinton në shtetin e Wyoming.
Sanders ka fituar shtatë nga tetë garat e fundit. Wyoming kishte vetëm 14 delegatë, por kjo fitore është domethënëse përpara garës së rëndësishme që do të zhvillohet në Nju Jork (shtëpia e Clinton) në 19 prill.
Ndërsa në kampin republikan sot zhvillohen zgjedhjet në Kolorado me 21 delegatë.
Në prag të këtyre zgjedhjeve Ted Cruz duket favorit dhe pritet të sigurojë të paktën 13 delegatë përballë Donald Trump.
