Pak orë para mbylljes së votimeve për kreun e ri të Partisë Demokratike, kandidati demokrat Eduard Selami, ka shprehur disa nga pakënaqësinë e tij për disa nga problematikat e hasura në këto zgjedhje.
“Zgjedhjet nisën dhe po përfundojnë si të pabarabarta. Ka patur mungesa të emrave në listë. Krerët e degëve kërkuan që të votohet Basha, prishën neutralitetin. Kryetari i degës 2 në Tiranë qëndron në qendrën e votimit në shkelje të neutralitetit. Megjithëse është i paplotë, procesi është ende në vazhdim, është shpejt akoma për të nxjerrë një rezultat përfundimtar. Nga ky proces, demokratët do te dalin me te forte”, tha ai. Sipas Selamit, numërimi i votave do të ishte më mirë të bëhej në degët e rretheve të PD-së.
