Ish-kryeministri i Kosovës, Albin Kurti ka reaguar pas publikimit të datës zyrtare të zgjedhjeve në Kosovë.
Kurti shprehet se pas 7 muajsh u dëshmua ajo që dihej, që qeveria Hoti ka qenë kot, e paligjshme dhe antikushtetuese.
Ndër të tjera Kurti thekson se këto zgjedhje nuk janë të parakohshme, por janë të vonuara, e se qeveria e tij do të jetë zgjidhja e duhur për qytetarët.
Ndërkaq në fund Kurti thotë se 14 shkurtin e Shën Valentonit. Vetëvendosja do e bëjë kremte të demokracisë.
Status nga Albin Kurti
Pas shtatë muajve na u dëshmua ajo që dihej nga fillimi. Zgjedhja e qeverisë koti ka qenë kot. Zgjedhje e paligjshme, jokushtetuese.
Kemi humbur shumë vite, jo vetëm muaj. Këto zgjedhje nuk janë të parakohshme por të vonuara. Mirëpo, këto zgjedhje janë referendum. Me 14 shkurt politika e keqe ndodhet para gjyqit popullor.
Punë e arsim, drejtësi e shëndetësi. Kaq duan qytetarët. Qeveria jonë e re do të jetë shërbim i mirë. Sepse qytetari është mbreti i republikës.
Me 14 shkurt, festën e zemrës e bëjmë edhe kremte të demokracisë./Opinion.al
