Kosova voton sot dhe në qendrat e votimit, përpos qytetarëve që ushtrojnë të drejtën e tyre ndodhen dhe vëzhguesit, ata vendas dhe ata të komunitetit ndërkombëtar.
Ambasadori i Bashkimit Europian Aivo Orav deklaroi nga Zveçani se deri më tani ka vizituar diku tek 5 ose 6 qendra votimi.
Teksa sqaroi se ende nuk mund të japë asnjë koment rreth punës së tij, ambasadori Orav theksoi rëndësinë e pranisë së vëzhguesve ndërkombëtare në një ditë si kjo për Kosovën.
“Unë dhe ekipi im dhe ekipe të tjera të komunitetit ndërkombëtar jemi këtu dhe po vizitojmë qendrat e votimit.”
Ambasadori i BE tha se në qendrat të cilat ai ka mundur të vizitojë disa ishin të populluara dhe disa të tjera kishin numër të ulët qytetarësh, por shtoi se në përfundim ai shpreson se pjesëmarrja do të jetë e madhe.
