Kryesia e Partisë Socialiste është mbledhur këtë të hënë në selinë rozë. Në fokus të diskutimeve ishte zgjedhja e kandidatit të PS në zgjedhjet e parakohshme në Himarë, pasi KQZ-ja i hoqi mandatin Fredi Belerit.
Mazhoranca ka zgjedhur kandidat për të garuar në zgjedhjet e pjesshme prefektin e qarkut të Vlorës, Vangjel Tavo.
Po ashtu në këtë mbledhje, është vendosur që të shtyhet për në datën 27 korrik Kongresi, i cili ishte parashikuar të mbahej më 20 korrik.
Kujtojmë se zgjedhjet në Himarë do të zhvillohen më 4 Gusht. Dekretimi i kësaj date nga Presidenti Bajram Begaj u mor pasi Komisioni Qendror i Zgjedhjeve i hoqi mandatin Fredi Belerit. Organi i zgjedhjeve në vendin tonë argumentoi se Beleri është dënuar me vendim të formës së prerë me 2 vite burgim për shit/blerje votash.
