Tre kandidatët që konkurrojnë për të zëvendësuar Angela Merkelin janë shprehur të gjithë në favor të shmangies së një kthimi në kufizimet më të rrepta të koronavirusit.
“Nuk do të ketë bllokim të ri,” tha zëvendëskancelari Olaf Scholz, në debatin e parë televiziv midis tre kandidatëve, katër javë para zgjedhjeve kombëtare.
Scholz ndër të tjera bëri apel duke u shprehur se ‘’është e rëndësishme të qëndroni të kujdesshëm duke vazhduar të kërkoni maska në vende të caktuara dhe të ruani aksesin në zonat e brendshme vetëm për ata që janë vaksinuar, testuar dhe shëruar’’.
Nga ana tjetër Laschet, pasardhësi i Merkelit si drejtues i partisë Demokristiane, tha se gjithçka duhet bërë për të siguruar që një bllokim tjetër të mos ndodhë’’.
Baerbock tha se nuk kishte nevojë për një bllokim tjetër për momentin. Sidoqoftë, është e rëndësishme të vijohet me vaksinimin dhe nga ana tjetër njerëzit e pavaksinuar nuk mund të gëzojnë të njëjtat liri si njerëzit e vaksinuar.
