Kryetari i Komisionit Qëndror të Zgjedhjeve, Ilirjan Celibashi ka zbardhur detaje nga regjistrimi i Diasporës, për zgjedhjet parlamentare të 11 Majit.
Sipas KQZ, 294,155 kërkesa për regjistrim për të votuar në zgjedhjet e 11 majit janë nga diaspora.
Në një konferencë për mediat, Celibashi, tha se do të jenë 245,975 votues nga jashtë, pasi 48,180 të tjerëve u është refuzuar.
Sipas tij, Tirana është qarku me % më të lartë të kërkesave të miratuara 21.3% dhe Kukësi me përqindjen më të ulët 1.6%.
“Sikurse këto të dhëna mund t’i gjeni edhe në faqen e internetit të Komisionit Qëndror të Zgjedhjeve përfundimisht janë 294,155 që kanë shprehur interesin për tu regjistruar si votues nga jashtë, prej tyre vetëm 245,975 janë regjistruar. Ndërkohë nga ana tjetër si 365,166 kërkesa dhe ka refuzuar 119,139”, shprehet Celibashi.
Afërsisht koha mesatare e kërkesës dhe shqyrtimi është 28 orë, pra KQZ i ka kthyer përgjigje votuesve nga jashtë për tu regjistruar në PER.
Ai thotë se personave që iu është refuzuar kërkesa kanë kohë deri në 11 Prill për ankimim.
“Të gjithë atyre që iu është refuzuar kërkesa mund të ankohen jo më vonë se data 11 Prill. Pra nga momenti që ju është refuzuar kërkesa deri në 11 Prill”, shprehet Celibashi.
