Kryetari i PL Ilir Meta deklaron se do të mbështesë çdo kandidatë që do të nxjerr PD në zgjedhjet lokale.
Meta gjatë një interviste në “News24”, se synimi i PL janë vetëm këshillat bashkiak. Më tej, kryetari i PL tha se çdo vonesë për përgatitjen e opozitës për zgjedhje do te jetë përgjegjësi e lidershipit të PD.
“Që në mbrëmjen e 25 korrikut ne e kemi bërë të qartë që jemi të vendosur për të bërë bashkë të gjithë forcat opozitare. Dhe ne Partinë Demokratike e konsiderojmë një aleat si forca më e madhe e opozitës. Nuk kemi nevojë të bëjmë marrëveshje. Ne kemi qenë shumë të qartë. Ne nuk do të nxjerrim kandidatë, ne do të mbështesim kudo ata që do të mbështesë partia demokratike, në rast se do të kemi ndonjë kandidat që mund të ketë ndikim në ndonjë bashki, dhe ka mbështetjen e degëve të partisë demokratike. Por objektivi ynë është kandidimi për këshillat bashkiakë. Unë besoj se jam i qartë. Opozita është në kushte më të favorshme se në 6 mars. Çdo vonesë është përgjegjësi e lidershpit të PD. Nga ana jonë ka një vendosmëri për të ndëshkuar kandidatët e Rilindjes dhe që të mbështesim kandidatët e PD. Kjo duhej të ishte zgjidhur por mendoj se ka ende kohë. Kandidatët e Tiranës, Elbasanit dhe Durrësit duhet të përcaktohen sa më parë”,-tha Meta./Opinion.al
