Kreu i Komisionit Qendror të zgjedhjeve, Klement Zguri ka zhvilluar ditën e sotme një takim me delegacionin e Misionit të OSBE/ODIHR në Shqipëri, i cili kryesohej nga britanikja, Aundrey Glover.
Mësohet se ky takim u zhvillua në kuadër të vëzhgimit të zgjedhjeve vendore, ndërsa ditën e premte vëzhguesit e OSBE/ODIHR priten të mbajnë dhe një konferencë në lidhje me këtë çështje.
Ndërkohë, palët politike vijojnë të mos kenë asnjë hap drejt dialogut për zgjedhjet e qershorit, ndërsa opozita ka deklaruar se nuk do të lejojë mbajtjen e zgjedhjeve, pasi sipas tyre, çdo tentativë e tillë do të cenonte edhe më tej rendin demokratik.
Deri më tani shefi qeverisë Edi Rama dhe lideri i opozitës, Lulzim Basha, kanë komunikuar me njëri-tjetrin përmes letrave publike, por që të dy nuk kanë ndryshuar asgjë nga qëndrimet e tyre të mëparshme, gjë e cila do të hapte mundësinë e një dialogu për zgjidhjen e krizës politike në vend./ Opinion.al E.Xh.
