Presidenti Ilir Meta thotë se zgjedhjet e 25 prillit u shitën nga opozita. Deklarata këto që vijnë pas akuzave qe pak ditë më parë Meta bëri nga Korça për kryedemokratin Lulzim Basha, ku gjithashtu tha se zgjedhjet u trukuan me ndihmën e opozitës.
Gjatë një interviste televizive, Presidenti tha se edhe zgjedhjet e 2017 u shitë nga opozita.
“25 prilli ka qene ndeshje e shitur pa filluar, sic kane qene edhe zgjedhjet e 2017. Kete e dine tashme te gjithe shqiptaret”,-tha Meta.
Lidhur me vendimin e gjykatës kushtetuese që pritet të merret më 1 shkurt, Presidenti tha se i ka kërkuar KPA nisjen e një hetimi administrativ në prag të vendimin të Gjykatës Kushtetuese për shkarkimin e tij.
“Le të më shkarkojnë nuk kam asnjë problem” tha Meta duke shtuar se nuk ka bërë asnjë shkelje. Nga ana tjetër, Meta tha se çështjen do ta ankimojë në gjykata evropiane.
