Kryetari i Partisë Demokratike, Sali Berisha mblodhi mbrëmjen e sotme kandidatët për deputetet për qarkun e Tiranës, për ti përgëzuar ata për startin tepër pozitiv të kësaj fushate.
Në fjalën e tij, Berisha u shpreh se programi i PD-së është mjeti kryesor që të fitohen zemrat e qytetarëve.
Pjesë nga fjala e Berishës:
Qytetarët e Tiranës nga të gjitha informacionet që marr kanë pritur dhe ju presin me kënaqësi në të gjitha takimet tuaja. Në fakt të themi të vërtetën Tirana kurrë nuk ka patur një ekip si ky. Të jemi realistë. Ju jeni ekipi më i shkëlqyer që PD ka paraqitur para qytetarëve të Tiranës. Njerëz të suksesit, njerëz të aftësive, por edhe intelektuale, ekspertë, specialistë, demokratë të përkushtuar. Kështu që unë kam falënderim shumë të përzemërt dhe mirënjohje për startin tuaj.
Ky është një ligj elektoral, në llojin e tij ndoshta unik. I diktuar tërësisht nga përpjekjet e Edi Ramës për të asgjësuar partitë e vogla, për ti injoruar vullnetin e zgjedhësve, por mendoj se me listën e paraqitur ne kemi krijuar një epërsi të madhe. Epërsi të gjithanshme.
Duke theksuar këtë dua të ndalem në disa probleme, që ne duhet të adresojmë në kushtet e kësaj fushate. Në kushtet e kësaj fushate në do përcaktojmë mjetin kryesor për të fituar zemrën e qytetarëve të Tiranës, me programin që kemi. Ky program është 100% i realizueshëm. Madje duhet tju them ju se në disa cështje të revolucionit fiskal janë mbajtur edhe ndonjë rezerve pas instalimit të etapës së parë.
Varfëria ekstreme nuk ekziston sepse cdo vend demokrat shpërndan në mënyrë të tillë që të mos ekzistojë.
