Sekretari i Përgjithshëm i Partisë Socialiste, njëkohësisht drejtues politik për zgjedhjet në Dibër, Blendi Klosi është i ftuar mbrëmjen e sotme në emisionin “Opinion” në TV Klan.
I pyetur lidhur me zgjedhjet e 11 majit dhe pritshmëritë që ka PS në këtë garë, Klosi shprehet i bindur se këto zgjedhje do të marrin 4 nga 5 mandate në qarkun e Dibrës.
Klosi ka treguar si paraqitet situata e zgjedhjeve atje, teksa shton se e vetmja gjë që e prish këtë fushatë janë zhurmat e makinave të përfaqësuesve të kampit opozitar.
Pjesë nga biseda:
Blendi Fevziu: Sa vjet bën fushatë ti Klos. Në 2001 me sa kujtoj je zgjedhur deputet.
Blendi Klosi: Në 2001 jam zgjedhur për herë të parë. E kam garën time të shtatë personale.
Blendi Fevziu: Ke parë një më të shëmtuar se kjo këto 7 garat e mëparshme?
Blendi Klosi: Çdo garë ka atë intrigën e vetë, garën e vetë. Fushata për mua është shumë intriguese. Kam kaluar në një qark të vështirë si qarku i Dibrës për Partinë Socialiste. 35 vjet nuk ka pasur sukses Partia Socialiste në Dibër.
Blendi Fevziu: 35 vite ju ka mundur PD në Dibër?
Blendi Klosi: Në pushtetin qendror. Besoj që jo vetëm që do të fitojmë, por besoj që do të shkojmë në një rezultat 4 me 1. Besoj se do të jetë spektakël i zgjedhjeve. Kam bindje të thellë që jo vetëm do të kemi progres në Dibër, por do të garojmë për katër mandate.
Blendi Fevziu: Situata si duket në Dibër? E qetë?
Blendi Klosi: Situata është e qetë. E vetmja gjë që e prish fushatën janë zhurmat e makinave të këtyre përfaqësuesve të kampit opozitar, të cilëve nuk ju ka ngelur asgjë tjetër vetëm që të zhurmojnë rrugët.
