Ministri i Brendshëm, Ervin Hoxha do të angazhohet në qarkun e Tiranës gjatë fushatës për zgjedhjet parlamentare të 11 majit.
Mësohet se kreu i PS, Edi Rama i ka besuar Hoxhës angazhimin në njësinë numër 1 në kryeqytet, duke zëvendësuar Eduard Shalsin, pasi ky i fundit u emërua drejtues politik në qarkun e Kukësit.
Ndërkohë Pandeli Majko do të angazhohet në Kavajë. Ndryshe nga zgjedhjet e kaluara, kësaj radhe Rama ka zgjedhur që të përqendrojë forcat në Tiranë, i cili prodhon numrin më të lartë të mandateve, konkretisht 37.
