Mbrëmjen e sotme Policia ka informuar se janë shënuar incidente KZAZ Nr. 42, në Kavajë.
Në këtë KZAZ e cila është vendosur në shkollën “26 Marsi”, shkollë aktualisht jashtë funksionit, është dëmtuar dera hyrëse e saj.
Kanë qenë anëtarët e KZAZ ata që kanë njoftuar policinë, e cila po ka nisur hetimet për identifikimin e autorëve.
Sipas informacioneve, nga këqyrja e vendit të ngjarjes, nuk është konstatuar mungesë apo dëmtim i ndonjë sendi dhe dokumentacioni i KZAZ.
Nga hetimet paraprake dyshohet se dera është hapur me forcë nga disa të mitur, që frekuentojnë ambientet e shkollës mbasditeve.
Grupi hetimor po punon për sqarimin e rrethanave të ngjarjes dhe identifikimin e kapjen e autorit/ëve.
