Vatikani ka njoftuar se do ta ndërpresë sinjalin telefonik, gjatë konklavës për ta zgjedhur papën e ri, por kjo nuk do të prekë Sheshin e Shën Pjetrit.
Sipas The Guardian, bëhet e ditur se Vatikani ka njoftuar se të gjitha sistemet e transmetimit të sinjalit të telekomunikimit për telefonat celularë të pranishëm në territorin e Shtetit të Vatikanit do të çaktivizohen” nga ora 15:00 më 7 maj.
“Sinjali do të rikthehet pas njoftimit për zgjedhjen e papës së ri”, thuhet në deklaratë.
Mësohet sr Vatikani do ta çaktivizojë sinjalin celular për të ruajtur fshehtësinë e votimit.
Masat e marra synojnë të garantojnë një proces të pandikuar dhe të sigurt, në përputhje me traditën dhe rregullat e Selisë së Shenjtë. Pjesëmarrësit në votim, 133 kardinalë nga e gjithë bota, do të lënë jashtë çdo pajisje teknologjike.
133 kardinalët që do të votojnë, të gjithë ata nën 80 vjeç, përveç dyve që mungojnë për arsye shëndetësore, do të mblidhen më 7 maj pasdite nën Kapelën Sistine të Vatikanit.
