Siguria në shkolla, rritja e cilësisë së mësimdhënies dhe zgjatja e orarit të qëndrimit të nxënësve janë kërkesat kryesore të prindërve, të cilat i kanë shprehur gjatë protestave të tyre.
Por këto kërkesa mbështeten edhe nga shumica e prindërve.
“Duke qenë se prindërit janë në punë dhe mundësia për t’i marrë nuk është më herët kështu që do të ishte një favor shumë i mirë edhe për fëmijët që të mos të hallakaten shumë edhe për prindërit.”
“Është shumë pozitive nëse shkolla është e hapur gjithë ditën dhe fëmijët të kenë aktivitete sa më shumë sepse ju e shikoni se si koha të ikën, prindërti janë në punë, kështu që fëmijët do të gjenin një kujdes shoqëror akoma me të madh në grup këtu në shkollë dhe natyrisht po të ushqehen këtu dhe të bëjnë detyrat këtu janë edhe shumë më mirë. Natyrisht një pjesë prindërish paguajnë nëpër shkolla privatisht sepse janë të detyruar.”
“Po, jam dakord. Me aktivitete po.”
Por veç prindërvë, edhe psikologët janë të mendimit që zgjatja e orarit të qëndrimit të nxënësve në shkollë është e domosdoshme, për të lehtësuar barrën e familjes si dhe për të shkëputur fëmijët nga teknologjia.
Entela Binjaku: Orët më të gjatë pranë mësuesve dhe shokëve, larg telefonisë janë më të mira për formimin e tyre. Edhe vetë prindërit shqiptarë do të lehtësonte një barë psikike që ai ka kur fëmija shkon ora 12 e 1 dhe për ata që bëjnë mësime paradite, por mos të harrojmë që ka edhe nxënës që bëjnë mësim me turne është një shqetësim i madh dhe vetë prindërit nuk janë të qetë edhe në punën e tyre.
Komuniteti i prindërve kanë organizuar një pyestësor për siguri dhe arsim cilësor në shkollat e vendit. Dhe sipas të dhënave paraprake të këtij pyetësor, mbi 60% e prindërve e përcaktojnë si emergjencë zgjatjen e kohës së qëndrimit të nxënësve në shkollë.
Minimalisht një familje me një fëmijë paguan 200 Euro në muaj për mbajtjen e një fëmijës në qendrat mbas përfundimit të shkollës. Ndërkohë që për dy fëmijë, gjatë periudhës 9-mujore, familjet janë të detyruara të paguajën minimalisht 3600 Euro.
Klan News
