Prokuroria për Krimet e Rënda ka zgjatur me tre muaj afatin e hetimit për ish-Prokurorin e Përgjithshëm, Adriatik Llalla. Kjo është hera e dytë që hetimet shtyhen për 3 muaj, pasi një vendim i tillë ishte marrë edhe në 27 mars.
Ai po hetohet nga Krimet e Rënda që prej marsit 2018 për katër vepra penale, mes të cilave “fshehje e pasurisë” dhe “pastrim të parave”.
Vendimi i marsit për shtyrje të hetimit nuk është pritur mirë nga ish-kryeprokurori, i cili e ka kundërshtuar atë në Gjykatën e Krimeve.
Edhe këtë herë, zgjatja e hetimit është ankimuar nga Llalla, ankim që pritet te shqyrtohet në 3 korrik./ Opinion.al
