Kryeministri Edi Rama njoftoi sot në Asamblenë e PS largimin e Olta Xhaçkës nga detyra si ministre për Evropën dhe Punët e Jashtme, duke e zëvendësuar atë me Igli Hasanin.
Igli Hasani ka qenë Koordinator Ekonomiko-Ambiental i OSBE-së. Ky pozicion është më i larti i mbajtur ndonjëherë nga një shqiptar në Organizatën për Sigurinë dhe Bashkëpunimin në Evropë.
Ndërsa më herët ka qenë ambasador i Republikës së Shqipërisë në Vjenë. Igli Hasani drejtoi misionin e Shqipërisë në OSBE, nga janari i vitit 2018 deri më nëntor të 2021, kohë gjatë së cilës Shqipëria pati edhe presidencën e rradhës së OSBE-së.
