Presidenti i Ukrainës, Volodymyr Zelensky zhvilloi takime të veçanta me presidentin francez Emmanuel Macron dhe kryeministrin britanik Keir Starmer në Romë, pas ceremonisë së varrimit të Papa Françeskut.
Presidenti francez Emmanuel Macron thotë se pati një “shkëmbim shumë pozitiv” me homologun e tij ukrainas.
Zelensky i tha Macronit se Ukraina është “gati për një armëpushim pa kushte”, duke shtuar se “përfundimi i luftës në Ukrainë është qëllimi që ndajnë me Presidentin Trump”.
Në një postim në X, Macron thotë se tani i takon presidentit rus Vladimir Putin të “dëshmojë se ai me të vërtetë dëshiron paqen”.
“Ne do të vazhdojmë punën tonë në kuadrin e koalicionit të vullnetarëve të nisur në Paris marsin e kaluar, për të arritur këtë armëpushim dhe një paqe të plotë dhe të qëndrueshme në Ukrainë,” shton Macron.
