Ukraina ka nevojë për raketa me rreze të gjatë për të ndaluar “terrorin rus”. Këtë e ka përsëritur – siç raporton Kiev Independent – presidenti i Ukrainës, Volodymir Zelensky, duke nënvizuar se raketat Himars të përdorura aktualisht nga Kievi kanë një rreze veprimi prej 80 kilometrash dhe nuk mund të arrijnë shumë nga zonat e pushtuara nga rusët.
Sipas Kievit, raketat me rreze të gjatë janë të nevojshme për të parandaluar rusët që të pozicionojnë raketat e tyre larg vijës së frontit dhe të shkatërrojnë qytetet e Ukrainës.
“Nuk duhet të ketë tabu në furnizimin me armë Ukrainës – thotë Zelensky – për t’u mbrojtur nga agresioni rus. Ne do të bëjmë gjithçka që është e mundur për të siguruar që partnerët tanë të jenë të hapur ndaj këtij furnizimi jetik, duke përfshirë dërgimin e raketave Atacms, të cilat kanë një gamë të 300 kilometra dhe armë të tjera të ngjashme”./Opinion.al
