Presidenti i Ukrainës, Volodymyr Zelensky, të shtunën pretendoi se të paktën 21,000 mercenarë të Wagner ishin vrarë gjatë luftimeve në Ukrainë. Ai tha se 80,000 luftëtarë të tjerë që i përkisnin grupit mercenar rus ishin plagosur. “Trupat tona vranë 21,000 vagneritë vetëm në Ukrainën lindore,” tha ai duke folur me gazetarët në Kiev vetëm një javë pasi Wagner – një organizatë private ushtarake – u revoltua kundër udhëheqjes së lartë të mbrojtjes të Rusisë.
Zelensky i përshkroi luftëtarët e grupit Wagner si një “staf të motivuar të ushtrisë ruse” dhe kryesisht të dënuar që “nuk kishin asgjë për të humbur”.
Duke iu përgjigjur një pyetjeje nëse ishte në rrezik apo frikë për jetën e tij, ai tha se është më e rrezikshme për Putinin sesa për të.
Zelensky shtoi se nësë është vetëm Rusia që dëshiron ta vrasë atë, e gjithë bota dëshiron të vrasë Putinin. “Është më e rrezikshme për Putinin sesa për mua, sinqerisht. Sepse vetëm në Rusi duan të më vrasin mua, ndërsa e gjithë bota dëshiron ta vrasë atë”, citohet të ketë thënë Zelensky nga CNN.
Deklaratat e Zelenskit për humbjet e Wagner-it vijnë një javë pasi shefi i Wagner-it Yevgeny Prigozhin udhëhoqi një rebelim kundër Moskës së bashku me njerëzit e tij muajin e kaluar. Trupat Wagner marshuan drejt Moskës, duke marrë nën kontroll objektet ushtarake në dy qytete ruse. Prigozhin tha se ky rebelim ishte një përgjigje ndaj një sulmi ushtarak rus në një kamp Wagner./Opinion.al
