Ukraina po përgatit një kontratë për blerjen e 25 sistemeve të mbrojtjes ajrore Patriot, në atë që do të përbënte një fuqizim të rëndësishëm të aftësive të Kievit për të mbrojtur veten kundër bombardimeve ruse.
Presidenti ukrainas Volodymyr Zelenskiy tha se sistemet do të siguroheshin çdo vit për një numër të caktuar vitesh dhe se Ukraina do t’u kërkojë disa shteteve europiane t’i japin prioritet Kievit në radhën për sistemet.
Patriotët shihen si sistemet më efikase për të ndalur raketat balistike të Rusisë, të cilat udhëtojnë disa herë më shpejt se zëri.
Zelenski theksoi gjithashtu se ishte i gatshëm të shkonte në Budapest, ku pritet të takohen Putin dhe Trump, nëse do të propozohej një takim trepalësh.
Shefja e politikës së jashtë të bashkimit europian Kaja Kallas tha së hënën se nuk ishte dicka e mirë që presidenti rus do të udhëtonte në Hungarinë anëtare të BE, teksa ndaj tij ka një urdhërarrest nga gjykata penale ndërkombëtare.
