Zëdhënësi i Presidentit, Tedi Blushi ka reagua pas deklaratës së kreut të grupit parlamentar të Partisë Socialiste Taulant Balla, gjatë një interviste për DW, ku u shpreh se Presideni Ilir Meta ka shkelur Kushtetutën.
Blushi shprehet në reagimin e tij se Meta nuk ka shkelur Kushtetutën, por ka respektuar të gjitha të drejtat ligjore që janë përcaktuar edhe nga ndërkombëtarët.
Zëdhënësi i Metës, ka ironizuar Ballën duke thënë; “Ia kujtoj zotit Taulant të gjitha këto meqë sot ka qenë shumë i hutuar kur ka folur në emër të Presidentit.”
Reagimi
E falenderoj zotin Taulant që ka vendosur të luajë edhe rolin e Zëdhënësit të Presidentit, por e sqaroj se Zëdhënësi zyrtar jam unë!
Të jetë i qetë dhe i sigurt, se jo vetëm Bundestagu apo OSBE/ODIHR, por e gjithë bota e di që Presidenti Meta nuk ka shkelur Kushtetutën.
Presidenti Meta, jo vetëm ka respektuar Kushtetutën, por edhe:
– Konventën Europiane për të Drejtat e Njeriut;
-Vendimin e Gjykatës së Strasburgut që përcakton se e drejta e zgjedhjes nuk është proceduriale, por substanciale për të garantuar rendin demokratik;
– Detyrimet e Shqipërisë ndaj Marrëveshjes së Stabilizim Asocimit për garantimin e lirive dhe pluralizmit politik;
– Kriteret e Kopenhagenit, që janë në themel të BE.
Për këto ka folur qartë dhe Raporti Final i OSBE/ODIHR për zgjedhjet antikushtetuese dhe të paligjshme të 30 qershorit!
Ia kujtoj zotit Taulant të gjitha këto meqë sot ka qenë shumë i hutuar kur ka folur në emër të Presidentit.
Ndoshta është lodhur duke lobuar në Berlin për vendosjen e kritereve historike për çeljen e negociatave!/ Opinion.al E.Xh.
