Astrologjia tregon shumë për karakterin e një personi. Në një të përgjithshme, ndikuar nga planetet shenjat e horoskopit kanë në karakter disa veçori negative që i bëjnë të papëlqyeshme tek të tjerët. Sigurisht që njerëzit shumë rrallë i kuptojnë të metat e tyre, kështu hidhini një sy se çfarë thotë astrologjia për të këqiat tuaja, ndoshta mund të reflektoni.
Dashi – Impulsiviteti. Acaroheni shumë shpejt dhe shpesh thoni shumë gjëra të këqia pa u menduar.
Demi – Kokfortësia. Është e pamundur që të pranoni gabimin dhe aq më pak të kërkoni falje. Kjo ju bën shumë acarues në shumicën e rasteve.
Binjakët – Paqëndrushemëria. Kjo karakteristikë ju bën shumë pak të besueshëm dhe shpesh të lodhshëm.
Gaforrja – Viktimizimi. Jeni shumë të ndjeshëm dhe mërziteni shpejt. Kjo ju bën të viktimizoheni në shumicën e rasteve, dhe shpesh bëheni të padurueshëm.
Luani – Mëndjemadhësia. Jeni shumë shenjë narciste dhe kërkoni vëmendje gjithmonë. Kjo ju bën arrogant dhe acarues. Kujdes.
Virgjëresha – Kërkoni perfeksionin. Kjo ju bën shumë gjykues dhe kritikues ndaj të tjerëve. Duke e bërë shpesh, ktheheni në person të lodhshëm dhe të tjerët përpiqen t’ju shmangin.
Peshorja – Pavendosmëria. Nuk merrni kurrë vendime dhe jeni të lëkundur. Kjo ju bën acarues dhe shpesh njerëzit nuk ju besojnë vendime të rëndësishme.
Akrepi – Posesiviteti. Dëshironi të keni çdo gjë nën kontroll dhe shpesh ktheheni në persona obsesiv dhe manipulativ. Kujdes, kjo ju bën të lodhshëm deri në urrejtje.
Shigjetari – Papërgjegjshmëria. Shpesh bëni veprime të pamenduara që dashje padashje cënojnë të tjerët. Tregoheni shumë të papjekur dhe kjo ju bën acarues.
Bricjapi – Skepticizmi. Jeni gjatë gjithë kohës dyshues dhe skeptik. Kjo i lodh njerëzit e afërt pasi të gjithë kerkojnë besim te personi që kanë në krahë.
Ujori – Arroganca. Keni tendencën të tregoheni të pandjeshëm ndaj kërkesave të të tjerëve. Jeni shumë të përqendruar te vetja juaj. Fillimisht mund t’ju bëj të dukeni interesant, por me kalimin e kohës bëheni të padëshirueshëm.
Peshqit – Shumë të ndjeshëm. Nuk ka asgjë të keqe me të qënit i ndjeshëm, por ju e tepreni. Kjo ju kthen në një person nevojtar dhe aspak interesant./Opinion.al
