Tyra Banks bëri një zbulim të madh për veten e saj në librin “Perfect is Boring”: modelja ka bërë operacion hundën në fillimet e karrierës së saj.
Ajo në libër shkruan se në moshën tre vjeçare ka thyer hundën pa e vënë re, por nuk e ka trajtuar kurrë sepse nuk ka pasur dhimbje. Megjithatë filloi t’i vuajë pasojat vite më vonë.
Teksa rritej, Tyra shkruan se hunda po i rritej jo simetrike dhe i kruhej vazhdimisht. Megjithatë ajo kurrë nuk kishte shkuar te një doktor derisa një artist grimi e kishte inkurajuar. Ishte doktori ai që zbuloi se Tyra kishte thyer hundën në moshën tre vjeçare por nuk kish qenë nevoja për operacion sepse nuk i kishte shkaktuar probleme në frymëmarrje.
Megjithatë, Tyra vendosi ta rregullojë. Ajo shkruan në libër se se ndjehet përgjegjëse që të tregojë të vërtetën për pamjen e saj. “Bukuria natyrale nuk është e drejtë,” u shpreh Tyra në intervistën nga People. “Nuk më vjen mirë kur vajzat që janë natyralisht të bukura gjykojnë vajzat e tjera që përpiqen të rregullojnë veten.”/Opinion.al
