Pak më parë në Ministrinë e Arsimit kanë zbarkuar inspektorë të antikorrupsionit, ndërsa Balkan Web, siguron dokumentin që tregon se urdhri për këtë kontroll është firmosur nga vetë kryeministri Edi Rama.
Sipas tij, kontrolli ka nisur pas dy shkresave të Sekretarit të Përgjithshëm në këtë institucion, Plarent Ndrecës për 35 shkelje ligjore që ai pretendon se i ka kryer ministrja.
“Kryeministri ka vendosur hetimin administrativ të veprimtarisë së ministres së Arsimit, Mirela Karabina, e cila dyshohet se ka kryer shkelje të rënda në funksionimin ligjor të Ministrisë së Arsimit për emërimet, për veprime të paligjshme ndaj nëpunësve civil, për presionin ndaj administratës publike, për informacionet e rreme të përcjella në publik si dhe për shkeljet në qarkullimin e shkresave në institucion”,- sqaroi Mërtiri për BalkanWeb.
Sipas të njejtave burime, ministrja dyshohet për mbi 30 shkelje ligjore, të cilat i janë përcjellë Ramës gjatë fushatës, pas fushatës dhe në kohën e shkarkimeve që ka bërë ministrja.
Zbarkojnë te Ministria e Arsimit inspektorët e antikorrupsionit, ja arsyeja
Në Ministrinë e Arsimit kanë zbarkuar inspektorë të antikorrupsionit për shkak se janë bërë disa emërime dhe vendime të fundit nga ana e Ministres Teknike, Mirela Karabina.
Dyshohet se kjo e fundit ka shkelur rëndë ligjet, ka dalë përtej kompetencave të saj duke krijuar dyshime të mëdha për akte korruptive, mungesë të zbatimit të ligjit, shkuan BW.
Burime pranë njësisë antikorrupsion, bëjnë me dije se provat paraprake janë të patjetersueshme, edhe pse nevojiten hetime më të hollësishme për të provuar shkeljet e Ministres. Dhe është pikërisht kjo arsyeja pse inspektorët antikorrupsion që kanë zbarkuar sot në Ministrinë e Arsimit duket se nuk do të gëzojnë pushimet verore, pasi do të punojnë intensivisht, çdo ditë, për të zbardhur dyshimet, të cilat nëse provohen, do të krijojnë jo pak telashe për Ministren Teknike, që në bazë të marrëveshjes Rama-Basha, duhet të ishte larguar që në 26 qershor.
