Zbardhen detaje nga hetimi i prostitucionit online, pas operacionit policor koduar “Chat line 3”.
“Panorama” raporton se menaxherja e studios Dafina Tresa dhe një 33-vjeçar u prangosën tri ditë më parë gjatë operacionit policor të koduar “Chat line 3” pasi kishin ngritur nje qender ku punesonin vajza te reja te cilat ofronin seks online kundrejt tarifave te caktuara. Sipas hetimit paraprak të çështjes dhe të dhënave të siguruara deri në përballjen e të dyshuarve me gjykatë, ka rezultuar se prostitucioni virtual ka siguruar të ardhura të konsiderueshme mujore. Sipas Prokurorisë, referuar deklarimeve të të dyshuarve, secila prej tyre ka fituar në muaj shuma që varionin nga një deri në katër milionë lekë të vjetër. Ndërkohë, mendohet se pagesa që u jepej vajzave nga ana administratores së studios erotike shkonte deri në 100 mijë lekë të rinj në muaj.
