Policia e Tiranës ka zbuluar këtë të premte në Kashar një ambient të përshatur për kultivimin e kanabisit me anë të llambave.
Në një njoftim për mediat policia bën me dije se lidhur me këtë ngjarje janë shoqëruar në Komisariatin e Policisë Nr.6 disa persona. Ndërkohë vijojnë veprimet hetimore për zbardhjen e aktivitetit të paligjshëm.
“Në zonën e “Kashar 2”, shërbimet e Komisariatit të Policisë nr 6 në Tiranë bazuar në informacionet e siguruara në rrugë operative, kanë organizuar një operacion policor, si rezultat i të cilit kanë zbuluar një ambient që ishte përshtatur për kultivim të bimëve narkotike, me anë të llambave. Janë shoqëruar në Komisariatin e Policisë Nr.6 disa persona. Ndërkohë që vijojnë veprimet hetimore nga Komisariati i Policisë Nr.6”, njofton policia.
