Ylli i “Friends” Mattheë Perry vdiq si rezultat i “efekteve akute të ketaminës” tregon një raport i autopsisë.
Raporti, i publikuar të premten nga Zyra e Ekzaminuesit Mjekësor të Los Anxhelosit, tregon se gjaku i Perry-t rezultoi pozitiv për ketaminë, e cila njihet për trajtimin e depresionit dhe ankthit.
“Në nivelet e larta të ketaminës që gjenden në mostrat e gjakut të tij pas vdekjes, efektet kryesore vdekjeprurëse do të ishin si nga stimulimi i tepërt kardiovaskular ashtu edhe nga depresioni i frymëmarrjes,” thuhet në raport. Sipas raportit, vdekja u cilësua si aksident.
Perry, 54 vjeç, u gjet “pa ndjenja në një xhakuzi në shtëpinë e tij”, tha një zëdhënës i Departamentit të Zjarrfikësve të LA në një deklaratë për CNN në atë kohë.
Perry “u raportua se po merrte terapi me infuzion me ketaminë për depresion dhe ankth”, thuhet në raportin e autopsisë.
Raporti shpjegon më tej se ketamina ka përdorime mjekësore dhe kirurgjikale si anestezik dhe njihet gjithashtu si një ilaç rekreativ. Mund të ketë gjithashtu efekte halucinative dhe psikedelike me kohëzgjatje të shkurtër.”
