Ish drejtori i Përgjithshëm i Policisë së Shtetit, Haki Çako është emëruar këshilltar për Çështjet e Emergjencave i ministres Olta Xhacka, thanë burimet e Panorama.
Çako u lirua nga detyra më 8 janar 2018, me propozim të ministrit Fatmir Xhafaj dhe me miratimin e kryeministrit Edi Rama.
Postin Cako e mbante prej 2 vitesh e 9 muajsh. Në vend të tij u komandua zv.drejtori i Përgjithshëm i Policisë, Rebani Jaupi.
Ndërsa motivi i shkarkimit të tij, të paktën sipas njoftimit zyrtar të Ministrisë së Brendshme ishte: Realizimi i objektivave të këtij mandati qeverisës, në fushën e rendit dhe sigurisë publike, sfidat që e presin Policinë e Shtetit, kërkojnë një ritëm më të shpejtë dhe dinamikë të madhe pune.
