Policia e Shtetit njofton se është zbuluar në Fushë Kuqe, një bazë ku furnizoheshin me mjete, grupe kriminale.
Baza u gjet gjatë kontrolleve në fshatin Gorre, në një banesë të vjetër në pronësi të shtetasit A. L.
Nga kontrollet në brendësi dhe përreth saj, janë gjetur dhe sekuestruar në cilësinë e provës materiale:
-1 automjet tip “Mazda”, me ndërhyrje dhe me dëmtime në strukturën e tij, për të pamundësuar përcaktimin e të dhënave të automjetit;
-5 motomjete me fuqi të lartë motorike, të dyshuar të vjedhur;
-4 palë targa, për automjete dhe motomjete, të dyshuara të vjedhura në qytete të ndryshme të Shqipërisë dhe në Kosovë;
-400 gramë lëndë e dyshuar eksplozive, me fitil zjarrpërcjellës, e gatshme për shpërthim;
-Kapuçë si maska, doreza dhe skafanda motomjetesh, veshje për kamuflazh, si dhe një sërë sendesh të tjera që do t’i shërbenin kryerjes së ngjarjeve të rënda kriminale.
Pronari i banesës, 40 vjeçari me inicialet A.L., u arrestua për veprat penale “Sigurimi i kushteve dhe mjeteve për të kryer vrasje”, “Trafikim i mjeteve motorike”, “Mbajtja pa leje dhe prodhimi i armëve, armëve shpërthyese dhe municionit” dhe “Vjedhja”.
Ndërkohë vijon puna me qëllim arrestimin e shtetasve bashkëpunëtorë në këtë veprimtari kriminale./Opinion.al
