Policia ka zbardhur dinamikën dhe motivin e plagosjes së 33 vjeçarit Arben G ditën e sotme në banesën e tij në zonën e “Freskut” në Tiranë.
Sipas policisë, Arben G. u qëllua disa herë me armë zjarri në banesë nga shtetasi Besim Lata, i cili rezulton se është edhe babai i vajzës me të cilin bashkëjeton i plagosuri.
Ngjarja ndodhi rreth orës 18:30 të ditës së sotme. Sipas burimeve brenda Policisë, Besim Lata kundërshtonte lidhjen e vajzës së tij me të plagosurin Arben G.
Ai shkoi ditën e sotme, bashkë me të birin, të identifikuar me inicialet B.L. për të marrë vajzën në banesën e të plagosurit.
Me vete, Besim Lata kishte marrë edhe armën e zjarrit. Teksa ka shkuar në banesën e të plagosurit, ai nuk e ka gjetur vajzën a ty.
Më pas, ka patur debate dhe konflikt fizik me të treve dhe Besim Lata ka nxjerrë armën e zjarrit dhe ka qëlluar disa herë mbi Arben G.
Ky i fundit ka mbetur i plagosur lehtë për fat të mirë dhe gjendet në QSUT për mjekim. Nga ana tjetër, Policia arrestoi babanë e vajzës, ndërsa është ende në kërkim vëllai i saj, B.L.
