Një laborator marijuane është zbuluar nga policia kosovare në Pejë. Laboratori është zbuluar në një shtëpi, pasi policia ka marrë informata për një të dyshuar që kultivonte bimë narkotike.
Në pamjet në vijim mund të ndiqni aksionin e Njësisë së Hetimit të Trafikimit me Narkotikë për zbulimin të laboratorit të marihuanës në Pejë.
Hetuesit e policisë shpjeguan në detaje elementet e laboratorit dhe funksionet e tyre. Sipas hetuesve, laboratori kishte sistem ajrimi, ujitjeje e filtrimi për të mos u nuhatur era e rëndë e bimëve të kanabisit në rrethinë.
Gjatë aksionit policor janë shfrytëzuar edhe qentë që nuhasin narkotikët, ndërsa në shtëpinë e kontrolluar janë gjetur 100 bimë kanabisi të zhvilluara mirë dhe pak para vjeljes.
