Parat e grabitura ditën e sotme në dy makina të blinduara në Qafën e Kasharit i përkasin Bankës Kombëtare Tregtare.
Referuar burimeve të para, mësohet se janë grabitur rreth 6-7 thasë, që po transferoheshin drejt Rinasit me destinacion jashtë vendit.
Nuk ka një përcaktim paraprak të shumë së grabitur, e cila mbetet mister deri sa të ketë një verifikim të protokollit të ngarkesës.
Pesë persona të maskuar dhe me armë zjarri i kanë dalë para me dy automjete blindave të bankës, duke i goditur dhe qëlluar me armë zjarri.
Më pas nën kërcënimin e armëve kanë detyruar shoferët të shtrihen në tokë dhe më pas kanë zbrazur paratë nga arkat, duke u larguar prej tyre me 7 thasë me para.
Kontrolle nga ajri, nga toka dhe me çdo mjet të mundshëm është duke zhvilluar policia e Shtetit dhe drejtuesit e Policisë janë duke ndjekur vetë operacionin por nuk ka asnjë gjurmë të autorëve.
Gjithsesi hetimet pritet të japin informacione të tjera.
