Një sasi prej 13.8 kg drogë është gjetur në një banesë të pabanuar në lumin Kir në Shkodër.
Policia bën me dije se 9 pjesëtarët e grupit kriminal janë identifikuar dhe 3 prej tyre janë ndaluar.
Ndërsa po vijon puna për kapjen e anëtarëve të tjerë të dyshuar te grupit kriminal të implikuar në kultivimin dhe prodhimin e kanabisit.
“Nga kontrollet, shërbimet e Policisë gjetën në një banesë të pabanuar, në afërsi të lumit Kir, dhe sekuestruan në cilësinë e provës materiale, rreth 13.8 kg lëndë narkotike cannabis sativa dhe sende për përpunimin e lëndës, që posedoheshin nga këta 9 shtetas, të cilët u identifikuan dje. Në vijim të veprimeve procedurale për rastin, u vunë në pranga 3 nga pjesëtarët e grupit kriminal dhe vijon puna për kapjen e 6 të tjerëve”, njofton policia.
Gjithashtu, nga hetimet ka rezultuar se këta shtetas të organizuar si grup, kishin kultivuar 10.274 bimë cannabisi, në fshatrat Kir dhe Pult, veprimtari kriminale e cila u shkatërrua nga Policia e Shkodrës, në gusht të këtij viti, si rezultat i fazës së 12-të të megaoperacionit “Alpe të pastra”./Opinion.al
