Zbatimi i ligjit të dekriminalizimit vihet në pikëpyetje serioze. Afati i përcaktuar me ligj është: Parlamenti duhet të nxjerrë brenda datës 6 mars, aktet nënligjore që mundësojnë zbatimin e tij.
Por kushtetueshmëria e akteve është venë në pikëpyetje nga vetë Kuvendi. Zyra juridike e parlamentit paralajmëron Këshillin e Rregullores, se projektvendimi që do të marrë në shqyrtim këtë mbrëmje është antikushtetues në formë dhe në përmbajtje.
Top Channel që ka siguruar dokumentin e Zyrës Juridike thotë se “projektvendimi ka karakteristat e një akti normativ me fuqi në të gjithë vendin, ai del jashtë kompetencave të Kuvendit”. Pra Zyra juridike konstaton se funksionin e vet kushtetues legjislativ, Kuvendi nuk mund ta ushtrojë permes projektvendimeve, por nëpërmjet ligjeve.
Përsa i përket përmbajtjes, zyra juridike vëren si shkelje Kushtetuese se ky projketvendim, që votohet me shumicë të thjeshtë, i ngarkon Prokurorisë detyra që sipas Kushtetutës ajo mund t’i kryejë vetëm me ligj.
Opinioni i zyrës juridike për Këshillin e Mandateve vjen në një kohë kur Partia Demokratike dhe Partia Socialiste janë duke kryer negociata ende te pasukseshme për të dalë me një variant konsensual te formularit te vetedeklarimit, qe eshte edhe akti kryesor nenligjor, i cili propozohet për t’u miratuar me projektvendim.
Veç zyrës juridike të Kuvendit thuhet se një opinion negativ për kushtetueshmerine e këtyre akteve ka dhene edhe Ministria e Drejtësise. Duhet pritur seanca e Këshillit Legjislativ pasdite për të parë nëse ligji i dekriminalizimit do të futet apo jo në krizën e zbatimit. /TCH
