Të gjithë ata që janë të apasionuar pas produkteve të Apple e kanë një ide se kur mund të dalë në treg iPhone i ri. Por tashmë, duket se ka edhe një datë “zyrtare”.
Sipas “Forbes”, që citon një prej websiteve më të besuar sa i përket teknologjisë, më datë 7 Shtator nisin porositë online, ndërsa më 16 Shtator, iPhone 7 do të jetë i disponueshëm për të gjithë.
Nisur nga kjo, Apple pritet që ta prezantojë zyrtarisht iPhone –in e ri më 7 Shtator, si gjithnjë ditë të mërkurë.
Por a do të quhet iPhone 7?
Ndoshta jo. Duke qenë se pritet të jetë një model i ngjashëm në dizajn me iPhone 6, portale të ndryshme mbi teknologjinë shkruajnë se mund të quhet “iPhone 6SE” dhe jo iPhone 7. Megjithatë këtë do ta zbulojmë në Shtator./klan
