Mediat serbe kanë publikuar detaje të reja rreth krimit monstruoz në Shterpce kur babai ka sulmuar dy foshnjet binjake me thikë ku njëri ka mbetur i vdekur ndërsa tjetri po trajtohet në Spitalin e Nishit si pasojë e plagëve të marra. E gjithë ngjarja ka filluar në mënyrë banale pasi bashkëshortja e Nenadit ka refuzuar të ulet për darkë me të.
Babai i tërbuar, Dejan Krstiçiq 35 vjeç, nga Shtërpca ka sulmuar me thikë fëmijët binjakë, Danielin dhe Nemanjën, të moshës vetëm 40 ditë, derisa gruaja e tij Ana 27 vjeç teksa e ulur në shtrat me fëmijët.
Danilo u godit me thikë në afërsi të zemrës, pas të cilës fëmija vdiq rrugës për në spitalin e Graçanicës. Vëllai i tij binjak, Nemanja, është në spitalin e Nishit dhe përkundër situatës së vështirë, gjendja e tij është e qëndrueshme dhe jashtë rrezikut.
“Shkëndija” e tragjedisë familjare të paparë në Shtërpcë filloi në tryezë të hënën rreth orës 19.30. Në shtëpinë e Krstiçiqit, në momentin e tragjedisë, kanë qenë edhe prindërit e Dejanit dhe vëllai i tij.
“Dejani, Ana dhe fëmijët ishin vetëm në kuzhinë. Dejani ishte ulur në tryezë që të darkojë , ndërsa Ana me fëmijët ishin të ulur në shtrat. Dejan kishte thirrur Anën që të darkojë me të, por ajo nuk ka pranuar duke thënë se nuk ishte e uritur. Pse, askush nuk e di, por refuzimi i saj kishte irrituar Dejanin. Ai kërceu nga karriga e tij, nxori një thikë nga sirtari, dhe kërceu deri te shtrati. Pa asnjë fjalë filloi të therë fëmijët”, ka thënë për “Blic”, komandanti i policisë në Shtërpcë, Dragan Ivanoviq.
Ai thotë se Dejanin e ndalën Ana dhe vëllain e tij, i cili pasi ja mori Dejanit thikën nga dora e tij e rrëzoi poshtë në dysheme. Pastaj thirri një ambulancë dhe njoftoi policinë.
Dragoljub Zivanovic, ndihmës drejtor i Klinikës për Kirurgji pediatrike dhe ortopedi në Nish thotë se fëmija i lënduar, i cili ka arritur tek ata kishte një plagë nga thika në bark, në qafë dhe prerje në fytyrën e tij, por për fat nuk ka pasur lëndime të organeve të brendshme.
Nëna Ana e shpëtoi atë nga goditja e fortë, vdekjeprurëse nga babai i çmendur. Ajo së bashku me ekipën ambulancës shkoi në Nish, ku gjatë gjithë kohës qendron me djalin e saj./GazetaExpress.
