Në maj të vitit 2013, një vit pasi kishte shkelur për herë të parë tokën siriane, xhihadisti Lavdrim Muhaxheri. ishte kthyer me plagë në trup në Kosovë. Ndonëse ishte i plagosur, kthimin e tij disamujor në vendlindje. Muhaxheri përveçse për ti shëruar plagët, e shfrytëzoi edhe për ti bindur bashkëvendsëit e tij për tiu bashkuar luftës së tij në ISIS.
Për ta përmbushur misionin e tij, terroristi më i njohur shqiptar ishte ndihmuar nga mësuesi i tij Zekria Qazimi dhe bashkëpunëtori i tij më i afërt. Ilir Berisha.
Gazeta Express zbardh mesazhet e shkëmbyera mes këtij grupi, që organizonte dhe rekrutonte kosovarë për t’u bashkuar në ISIS.
“Sheik” e konsideronin imamin e xhamisë “El Kuddus” të Gjilanit, Zekria Qazimin. E vendi ku më së shpeshti takoheshin ishte kafeneja “Titanik” dhe shoqata “Rinia Islame” në Kaçanik.
Nga aty, Lavdrim Muhaxheri, i cili ishte kthyer për pak kohë nga Siria, bënte plane dhe rekrutonte vullnetarë të rinj që më vonë do ti bashkoheshin luftës në tokën e “premtuar” të Shamit. Plagët e marra gjatë luftimit në Siri, nuk e ndalën atë për asnjë moment që të bëjë thirrje që shembullin e tij ta ndjekin edhe të rinj të tjerë nga Kosova.
Këto punë, nxënësi i dalluar i “Sheikut” Qazimi, vazhdimisht i kryente me bashkëpunëtorin më të ngrushtë dhe më të besueshëm të Imamit, Ilir Berishën. Por fjalën e fundit për gjithçka e jepte Ridvan Hafiqi si udheheqës i shqiptarëve në ISIS.
“Selam Alejkum vlla sod ka ligjerat mes akshamit te shoqata jon në kaqanik, hoxhallar do te jen Zerkrija Qazimi dhe hoxha hafezi i Shqiperis Xhezahiri nese mundesh hajde sod vlla dhe rrijm”, ishte njoftimi qe Ilir Berisha e shperndante per t’i grumbulluar te rinjtë në shoqaten “Rinia Islame-Kaçanik” që të dëgjonin ligjëratat e hoxhës Zekria Qazimi.
Berisha asokohe ishte zevëndës/ Emir i oganizatës (Emir ishte Lavdërimi). Pasi aty nuk kishte drejtor, por përdorej “Emir”-term ne shtetet islame për te ngjashmit e mbretërve. Misioni i Muhaxherit, për të cilin e kishte braktisur për disa muaj ISIS’in, u përmbush.
Ai përveçse u shërua plotësisht, pak kohë pasi u rithye në territorin e luftës në Lindjen e Mesme, në tetor të 2003’ës, priti edhe pesë persona të tjera, të cilët do tiu bashkoheshin grupeve terroriste. Disa prej tyre përfunduan të vrarë atje.
“Selam Alejkum o berish a je majr ej un mrrina shum mir eselam vllaznive e nimi allahu ju rujt” i shkruan Lavdrim Muhaxheri. Ilir Berishës, me të mbërritur në Siri (07/07/2013).
Muhaxheri dyshohet se rrugën e kthimit e bëri përmes Shqipërisë, ndryshe prej atyre që shkonin për herë të parë e që niseshin përmes Maqedonisë në Stamboll e nga aty përfundonin në Siri.
Grupi që mori rrugën për në Siri, i printe vetë Ilir Berisha, njeri më i besueshëm i Lavdrim Muhaxherit dhe Zeqirja Qazimit. E pjesë e këtij udhëtimi ishte edhe dhëndëri i Imamit Zekria Qazimi. Ardian Nushi nga Peja, që po ashtu përfundoi i vrarë në Siri.
“Vlla jan 5 veta. Nr e Ebu Ridvanit e kam a je tu than per qeta, kallxom ku me thirr turki. Prej cilit vend me thir, a te vij smet ne ipko a?”,-i shkruan Ilir Berisha më 04.10.2013, Lavdrim Muahxherit, për tu siguaruar se informatën për nisjen e tij me katër personat e tjerë e ka marrë edhe lideri i shqiptarëve në ISIS, Ridvan Haqifi.
