Kryetari i Bashkisë së Kavajës Elvis Rroshi, duket se i “harron” hallet dhe të shkuarën kriminale për të cilën akuzohet, të paktën kur është në “gjirin” e Partisë Socialiste.
Kështu edhe pse KQZ dhe Qeveria shqiptare vendosën që t’i ndërpresin mandatin e kryebashkiakut, për shkak të mos deklarimit në formularin e dekriminalizimit të së shkuarës së tij kriminale, Rroshi “nuk ndahet dot nga PS”.
Ai ka qenë i ftuar në darkën e fundvitit të Partisë Socialistëve në Kavajë, ku përveçse ka kërcyer e dëfryer, ka përfituar nga rasti edhe të mbajë një fjalë përshëndetëse.
“Gëzuar Vitin e Ri, paqe paqe dashuri e harmoni paçi në familjet tuaja. Momente nga festa e fundvitit Partia Socialiste Kavajë. Bashkë do t’ia dalim!” shkruhet në postim.
