Modelja Hailey Baldwin dhe këngëtari Justin Bieber kanë planifikuar një dasëm madhështore në një vend tropikal diku rreth muajit prill ose maj. Fillimisht në media u përfol se dasma e tyre do të mbahej në fund të shkurtit por pasi çifti ndërroi mendje të gjithë menduan se ka një krize mes tyre. Fakti që Hailey dhe Justin e shtynë ditën e dasmës, nuk ka lidhje aspak me një krizë mes çiftit, raporton “People”.
“Ata po planifikojnë një destinacion tropikal për të mbajtur ceremoninë e dasmës dhe shanset janë që kjo të ndodhë shumë larg Shteteve të Bashkuara. Justin dhe Hailey i duan shumë vendet tropikale. Ata po shohin disa opsione për një dasmë përrallore. Nuk ka asnjë problem midis tyre, ata po përgatisin listën e të ftuarve. Hailey dhe Justin po presin momentin e përshtatshëm dhe po mundohen të rregullojnë axhendën bashkë me familjarët dhe miqtë e tyre.” tha burimi për “People”.
Pas shtyrjes së datës së dasmës çifti i shumë komentur i bëri lëmsh fansat e tyre. Ata kanë spekuluar një sërë arsyesh për shtyrjen e ceremonisë, ku ndër to shumë e komentuar mbetet dhe historia e Justin Bieber me Selena Gomez./E.M
