DURRES- Fatmir Pula, 45 vjeç është vrarë gjatë një tentative grabitje. Lajmi bëhet i ditur nga policia e cila thotë se ngjarja është zbardhur dhe autorët janë vënë në pranga. Autorët e krimit, tashmë në pranga jan ë Admir Haka 32 vjeç, banues në fshatin Zezë, Krujë, i dënuar më parë për armëbajtje pa leje. Herton Haka 18 vjeç, lindur në Zezë, Krujë. Aleksander Haka 28 vjeç, banues në në fshatin Zezë, Krujë. Hekuran Boci 23 vjeç, banues në fshatin Halil, Krujë. Olti Metuku (Agron), banues në Kamëz, Tiranë.
Gjithashtu, është shpallur në kërkim dhe po punohet për kapjen e shtetasit: Elton Ceka vjeç, banues në Tiranë.
Policia thotë se këta 5 persona në bashkëpunim me njëri tjetrin i kanë dalë para për ta grabitur 44 vjeccarin Fatmir Pula. Ai po kthehej nga lokali i tij që e kishte me qira në Kamëz, për në banesë, në fshatin Zezë, Krujë.
Po sipas policisë, Olti Metuku e ka mbajtur nën vëshgim viktimën në momentin që ai ka dalë nga lokali dhe ka lajmëruar autorët e tjerë.
Shtetasi, Herton Haka, vëllai i Admir Hakës, ka qenë i fshehur në kthesën që të çonte në banësen e viktimës, nga fshati Nikel për në Zezë dhe ka njoftuar dy autorët e tjerë që makina në të cilën ndodhej viktima po vinte në drejtim të tyre.
Shtetasit, Elton Ceka dhe Admir Haka, të dy të armatosur, Elton Ceka me një armë zjarri automatik dhe Admir Haka me pushkë, i kanë bllokuar rrugën viktimës me thasë me shkarpa dhe shtetasi Elton Ceka ka qëlluar me 4 plumba me armë zjarri automatik në drejtim të shtetasit Fatmir Pula, i cili kagjetur edhe vdekjen e menjëhershme.
Shtetasi Aleksandër Hakaj i ka furnizuar me fishekë autorët, i ka strehuar natën e krimit, dhe njëkohësisht ka mbajtur edhe armët e krimit, të cilat u sekuestruan në cilësinë e provave materiale:
një armë zjarri automatik model 56 kalibër 7.62;
një pushkë model 63;
4 copë fishkë luftarakë.
Marëdhënia e autorëve me njëri-tjetrin:
Shtetasit Admir dhe Herton Haka janë vëllezër dhe njëkohësisht komshinj me viktimën.
Shtetasi Aleksandër Haka është djali i xhaxhait të shtetasve të mësipërm.
Shtetasit Hekuran Boci dhe Olti Metuku janë kunetërit (burrat e motrave) të shtetasve Admir dhe Herton Hakës.
