Në një konferencë për mediat të mbajtur këtë të premte drejtori i Drejtorisë Vendore të Policisë Shkodër, Ervin Hodaj, është shperehur se është zbardhur vrasja e Valter Fierzës, ngjarje e ndodhur në 22 shtator të këtij viti në afërsi të një lokali në fshatin Hot i Ri.
Hodaj bëri me dije se për këtë ngjarje është arrestuar një person dhe janë shpallur në kërkim 4 të tjerë.
“Si rezultat i angazhimit dhe reagimit të menjëhershëm të strukturave policore, është bërë e mundur zbardhja e ngjarjes së ndodhur më datë 22.09.2023, në rrethinat e Shkodrës, në afërsi të një lokali në fshatin Hot i Ri, ku u vra me armë zjarri shtetasi Valter Fjerza.
Nga veprimet hetimore dhe procedurale të kryera në drejtimin e Prokurorisë, është bërë i mundur dokumentimi i kësaj ngjarjeje, për të cilën është arrestuar 1 shtetas dhe janë shpallur në kërkim 4 të tjerë”-tha Hodaj.
Valter Fjerza, 33-vjeç u vra mbrëmjen e 21 shtatorit vetëm pak metra larg banesës së tij. I riu po shkonte me makine në lokalin e fshatit pasi kishte mësuar se i vëllai, Kol Fjerza po konfliktohej me 5 djem të fisit Mhilli.
Duket se ky ishte një konflikt i hershëm mes tyre, ç’ka percepitoi në një sherr me tone të larta në lokal. 24-vjeçari kishte marrë me vete 4 familjarë për tu përballur me Kol Fierzën. Ndërsa viktima Valter Fjerza nuk ishte pjesë e konfliktit. Ai shkoi në ambientet e jashme të lokalit pasi mësoi se vëllai ndodhej vetëm përballë 5 djemve të moshës nga 20 deri në 38 vjeç, të cilët ishin të armatosur. Sapo ka parë Valterin të zbriste nga furoristrada, 24-vjeçari Klodian Mhilli ka qëlluar me automatik drejt tij duke e lënë të vdekur në vend./Opinion.al
