Nje ore me vlere 200 mije euro ka tradhetuar nje kosovar dhe ka çuar policine italiane drejt zbardhjes se njeres prej vjedhjeve me te bujshme, ate viles se presidentin te ekipit te Juventusit, Andrea Anjeli. Por arrestimi i kosovarit, identiteti i te cilit nuk behet i ditur nga mediat italiane, nuk ka mbyllur hetimet për grabitjen e ndodhur natën e Pashkëve.
Pas arrestimit në Breshano të 42-vjeçarit nga Kosova, dhe gjetjes së një pjese të mallit të vjedhur në Milano, policia është në kërkim të 4 bashkëpunëtorëve. Roli i kosovarit dhe dinamika e grabitjes se shtëpisë Anjeli ende nuk eshte percaktuar. Mësohet se deri më tani janë gjetur 18 orë të vjedhura si dhe disa monedha ari. Kosovari u ndalua nga karabinjerët për një kontroll rutinë, ku në momentin e ndalimit ai mbante në dorë një orë me vlerë 200 mijë euro. Ndërsa në banesën e tij janë gjetur edhe sende të tjera të vjedhura.
