Zbardhet shkresa që sekretari i përgjithshëm i Parlamentit, Genci Gjonçaj i ka dërguar Gardës së Kuvendit, ku njoftohen për emrat e 6 deputetëve të përjashtuar të opozitës.
Në shkresë shkruhet se deputetët e përjashtuar të opozitës nuk mund të marrin pjesë në aktivitetet parlamentare deri në përfundimin e afatit të përjashtimit.
Kjo ndodh pas disa përplasjesh dhe tensioneve nga ana e opozitës, ku jo më larg se sa sot kanë tentuar sërish të hyjnë me forcë në kryesi pasi u penguan nga Garda.
Një pjesë tjetër e deputetëve, të përjashtuar nga Kuvendi pas vendimit të Komisionit të etikës, zgjodhën të kapërcenin hekurat dhe të futeshin brenda e një pjesë tjetër u futën nga dritarja.
