Presidenti i ekipit të “Kastriotit” është ndaluar si përgjegjës i dhunës ndaj gazetarit sportiv Eduard Ilnica. Lidhur me ngjarjen e rëndë policia bën të ditur se “presidenti i “Kastriotit”, Alban Vogli ka tentuar të marrë me forcë në mjetin e tij tip “Volkswagen”, me targë AA229LB, shtetasin Eduard Ilnica. Më pas e ka dhunuar duke e goditur me sende të forta, për arsye të një artikulli që shtetasi E. I. ka publikuar në një gazetë lokale” njofton
policia. Sipas saj, materialet proceduriale i kaluan Prokurorisë Pranë Gjykatës Shkallës së Parë Tiranë, për veprat penale ” Plagosja e rëndë me dashje”, ” Heqja e paligjshme e lirisë” dhe ” Goditjet për shkak të detyrës”.
