Në kulmin e debateve pas ngjarjeve të Elbasanit dhe Asamblesë vjen edhe momenti i së vërtetës për socialistët në Kongresin e 19 Marsit.
Sipas axhendës së publikuar nga Top Channel, punimet e Kongresit do të bazohen në 6 pika, teksa do të hapet me fjalën e Ramës.
Pika nga ku pritet që të nxehet situata dhe të lindin debate të forta pritet të jetë 4, e parashikuar për pyetje dhe diskutime.
Pikërisht këtu pritet që të marrë fjalën Ben Blushi, kandidat për kreun e PS, por Rama duket i vendsour në propozimin e tij për referendum nëse duhet të ketë apo jo zgjedhje për postin e kryetarit.
Pika më e rëndësishme për t’u diskutuar do të jenë ndryshimet statutore sipsa modelit laburist.
Rendi i Kongresit të PS
- Fjala e kryetarit të Partisë Socialiste, Edi Rama.
- Raporti mbi ecurinë dhe rezultatet e fushatës së anëtarësimeve e zgjedhjeve në PS, nga Gramoz Ruçi.
- Raport i Komisionit të Garancive Statutore për veprimtarinë midis dy kongreseve.
- Pyetje dhe diskutime.
- Ndryshime e përmirësime në Statutin e PS.
- Zgjedhja e organeve drejtuese qendrore të PS.
